حيرة الظآمــي ~~>قصيدهـ تحكي مشآعري :(

انا ياويل من مثلي ضروف الوقت طاح بها

غدت بي حيره الضامي على مورد مشاريبه

جداول من منابع صافيه والشهد ذاب بها

منابع تروي الضامي وفيها سحر نهيبه

خذتني ياملا من دون لا اشعر واحس ابها

صحيت ولان روحي ياملا من روحه قريبه

تملكني وملك النفس اله الكون مالكها

حكمني ولا انا حر ونفس الحر عديبه

اسرني بالوفا حبه و حكم شروعها اوجبها

حوا الاخلاص دستوره وادى لي مواجيبه

حضتني بالهوا نفسه الهى كيف احاربها

تمثل في هواها اسمه معاني الجود والطيبه

قضينا في ربيع هواه ليالي الحظ كاتبها

جمعنا الحب بدروبه وشاركنا مواكيبه

وجوده في حياتي هون الدنيا مصاعبها

حبيب صادق الاحساس معاني الحب تسمي به

يعادل بالغلا روحي عيوني اللي اشوف ابها

غمرني حبه العذري غلاه الدم يجري به

الا ياليت ساعات الزمن وقفت عقاربها

ولا ورتني ايام الفراق ومر تعذيبه

رجعنا للزمن ندفع سعادتنا ضرايبها

ثمنها كان فرقانا ولازالت مطاليبه

كذا الايام غداره غدت بي في تلاعبها

دعت ربحي من الحرمان تتضاعف مكاسيبه

جزاك الله يادنيا تردت بي مناكبهاا

دعتني من عنا فرقاه بين الشك والريبه

اعزي بالصبر نفسي وزود الصبر يتعبهاا

توارث دونها مالي وجرحي عز تطبيبه

سنين العمر من دونه كأني ماحييت بهاا

ولا يسوى معي عمر خسر عشره محابيبه

يراود نفسي شعور من الذكر يعذبهاا

اخاف ان العمر يمضى بنا وتطول الغيبه..